中大喺9月底前，校內嘅4間哺乳室將會全面開放，等有需要嘅媽媽可以好放心同好專心咁餵奶奶。唔單止咁，中大仲好體貼咁推行哺乳政策，要餵奶奶嘅媽媽每日可以有兩次各30分鐘嘅餵奶時間，或者彈性返工時間，back after 30 mins 或者多半個鐘lung廚時間。

不過，對於呢個新政，有疑似男性嘅網民就覺得相當唔公平嘞！佢表示有乜理由男女人工一樣，但係（要餵母乳嘅）女性打工仔就可以做少一個鐘頭嘢？而且，呢位網友嘅推理能力非常之強，佢能夠見微知著、以小見大，從中大呢個政策就可以推想到香港以後嘅打工仔生態，以及男女地位不平等嘅嚴重民生問題，真係好有遠見囉。

毛毛都覺得好唔公平！有乜理由淨係得女仔先可以十月懷胎生bb，先可以哺乳喎？？？點解男人得3日侍產假，女人有成10個禮拜喎？？？實在太唔公平喇！BTW，如果每日畀返兩次各30分鐘嘅打機機時間你哋，是咪會公平啲？

來源：CUHK Secrets、香港中文大學 傳訊及公共關係處