前排網上流傳一張執貨員嘅工作紀律指引，一日最多只可以去4次廁所，一班唔忍得⋯⋯尿嘅廢青已經嗌晒救命。最近喺香港討論區又傳出另一間公司嘅員工指引，今次仲直接針對最鍾意back after lunch同埋機不離手嘅廢青！

呢份指引係由一個叫「股巿神算」嘅網民post嘅，份指引寫到明，遲1分鐘唔叫遲到，而係直情叫缺席呀！喂，其實我真係好欣賞呢個腦細可以咁清晰具體咁寫明晒啲規矩，遲就係遲，遲1分鐘都係遲，no excuse！守時本嚟就係美德，係班鍾意偷懶嘅廢青破壞晒啲規矩啫，我撐你呀腦細，不過如果我公司有呢條例，咁應該日日都冇人返工。仲有，手機要交出嚟，放工先拎得返，唔講仲以為係中學校規。不過腦細都係怕你掛住打機丁女，專唔到心做嘢，搞到要OT先出此下策啫（應該係），真係用心良苦！

不過我唔忍心見到啲腦細咁辛苦，所以都整咗份腦細守則畀佢哋，等佢哋有規可循，唔使盲中中咁做嘢：

來源：股巿神算（香港討論區）

延伸閱讀：【公司苛刻規矩】返工一日最多可以去4次廁所