唔知田二少是咪jerless阿哥田大少咁出位，所以都講返句金句嚟搶下focus呢？今日田二少同本土民主前線黃台仰喺商台節目討論陳佐洱講嘅「去殖民化」，黃台仰竟然明張目膽咁表示唔會認自己係中國人。啊！好大的膽子啊！

對國家忠心耿耿嘅田二少聽到，梗係嬲嬲豬啦，即刻義正嚴詞咁同黃屍，唔係，黃生，同埋一眾收音機旁邊嘅朋友做返個國民教育，「睇皮膚，唔係中國人唔知係咩」！

又係喎，小學書都有教啦，「因為我有黑眼睛、黑頭髮和黃皮膚，所以我是中國人」嘛～

唔怪得田二少同佢班FD子就算扮卡通人物，都要扮黑眼睛、黑頭髮同黃皮膚嘅Minions，呀唔係，係Mini人啦，中國人嘛，明嘅明嘅！

資料來源：明報、田北辰facebook

延伸閱讀：【神邏輯】我是中國人