噚晚大台台慶劇《張保仔》播第一集（唔係事必要毛毛睇，但毛毛睇嘅都係毛母迫嘅），講到有錢佬鄭子誠（係呀，又係佢呀）畀人綁架，佢想同扮慈母嘅陳凱琳暗示自己被綁，就特登講啲嘢引佢注意啦，話佢係咪「欠揍的」，又叫佢「拉呀拉呀」咁。

公事公辦嘅慈母聽到咁大不敬嘅說話，梗係嬲9啦！不過陳凱琳好好脾四，冇即刻拖佢去暗角狂踢，只係問咗句鄭子誠「你知唔知侮辱警務人員，我可以拉你㗎？」嗱，呢啲咪最佳形象囉～不過話時話，香港好似未通過辱警罪㗎喎，唔通大台套劇唔止玩穿梭時空去張保仔年代，仲去埋未來，話畀大家知第日慈母會有幾大官威？

如果第日真係通過辱警罪，就真係要小心啲喇，有好多情況都可能會令慈母覺得你「悔辱」緊佢㗎～

資料來源：myTV