強國人有的是錢，有錢梗係買樓啦，唔通好似你哋班廢青咁連格階磚都都買唔到咩......有強國人就買咗福州一個單位，點知發現咗強國最新嘅環保慳料起樓技術？

聽講係樓下裝修工人做嘢嗰陣，天花板突然冧咗一忽落嚟，仲整傷咗個工人?！跟住發展商就諗住趁夜媽媽冇人，索性將成個天花板拆咗佢，然後再補返，點知最後都係畀業主發現咗......仲搞到業主話要報警！

嘩！兩層樓之間啲水泥仲薄過紙嘅？啲鋼筋仲好似鐵線咁?，今次真係識條鐵......不過嚇毛毛唔到嘅，3D畫嚟㗎啫！唔通特登整張3D畫喺你屋企個地板又要話你知咩？

另外，之前喺江西都有人發現，一條長400幾米嘅護欄竟然係用水泥包住發泡膠整嘅，負責人仲話「在水泥构件中填充泡沫塑料，是一种新工艺」?！

毛毛真係丁丁插沙都諗唔到發泡膠可以用嚟做建築物料，真係既快捷，又方便！

來源：微博、人民網、中國新聞網