中聯辦主任張曉明身為新一代愛國模範，就算掛唔到佢嘅親筆簽名相係屋企，掛到佢嘅墨寶，都夠晒威威啦。

今個月尾，中聯辦會拍賣小明最新大作「坐看雲起」，幫建制籌款呀。呢四隻大字即係點呢？（咳咳）等毛毛教下大家中文啦，原句係王維詩句「行到水窮處，坐看雲起時」，講一個人行上山行到水泉盡頭，冇水喇都唔使灰9，不如坐係山頂睇雲（下刪好多字）。求其寫幾隻字都睇到小明心態有幾超然，高手高手。

唔止小明呀，書法大師亡國興都會拍賣佢嘅「日以繼夜、夜以繼日」八字金句呀，不過齋字又好似寡咗啲，不如學似之前咁，畫返幅國畫啦？

舊年民建聯籌款晚會籌到成6000幾萬，不過都唔夠報答班智將為港人爭取咁多嘢囉，不如呢幾位仁兄都寫返幅大字幫幫手拍賣籌款啦，肯肯定會大賣！

資料來源：經濟日報

延伸閱讀：亡國興日畫夜畫畫乜畫