2015年09月23日 星期三
解放軍進駐長沙灣廣場？
其實毛毛真係諗唔明，點解啲囡囡咁鍾意約埋一齊去商場同啲公仔自拍㗎呢？好似之前朗豪坊個蛋黃哥車站咁，班囡囡一見到啲公仔就猛話打耳，仲又攬又摸～幾乎每個囡囡嘅挨豬都會有張同蛋黃哥嘅合照！唉，毛毛都好想好似蛋黃哥咁，咁受囡囡歡迎......
不過計毛毛話，識影一定係影長沙灣廣場嘅解放軍公仔！一行上樓梯，就有幾個高大威猛、威風凜凜嘅解放軍公仔同大家敬禮～真係隔住mon都感受到嗰份愛國情懷，搞到毛毛忍唔住要對住個mon敬禮！
唔使問，一定係之前北京舉行閱兵儀式，香港一眾偽藝人敬禮自拍擺上微博，感動咗國家，所以國家特登精心打造幾個嘅解放軍公仔畀香港！嗚呀，大家要感恩呀知冇？
