發展藝術文化呢樣嘢，香港正苦好似成日講㗎！

不過，心水清嘅都知，香港冇條件講文化吖嘛，聽完就算啦。之但係又唔使咁灰機嘅，行街睇唔到啫，行街巿可能睇到呢～

有網友話佢喺屯門一個街巿度，本身只係想喺菜檔度買棵菜（其實好正常，去街巿梗係買餸啦），點知畀完錢嗰吓抬頭一望，就見到牆上面貼滿晒一幅幅畫，好似去咗個畫展咁，即刻覺得好「阿美成」呀！菜檔老闆表示呢幾幅畫全部都係啲熟客仔嘅小朋友畫㗎，仲會定期換過一批新嘅畫作?！真係好有愛呀！呢啲先至係真正「將藝術注入生活」吖嘛！

資料來源：天拉吧．Tin Library