根據正經但非正式統計，一句撻著情侶嗌交嘅導火線唔係「你唔信我呀？」或者「我鍾意咗第個」，而係「今晚食乜好」。拍拖梗係要食飯㗎啦，要食飯就梗係要諗食乜㗎啦，問親想食咩，唔係話「冇所謂」就問返「你想呢？」，真係好煩囉。

有位讀者買叉燒飯時問埋佢FD子使唔使買埋佢嗰份，真係好暖男呀！佢FD子就話「Is but is ok」，暖男梗係唔明啦，咪再問佢咩嚟囉，FD子就話「Is L but」喇。呀，到底係乜東東嚟呢？世上竟然有好西係毛毛唔識嘅？

謎底最後解開，原來係「是L 但」！呢位朋友仔真係好有創意，將猜燈謎嘅元素加入買燒味飯呢個咁沉悶嘅日常活動，即刻加添唔少新生趣呀！不如下次人哋問你想食乜，不如試下咁答呀，兩個人猜燈謎猜幾個鐘，到時都餓晒啦，自然食乜都係好西！