明眼人都睇得出，自從國家開放之後，我哋嘅祖國真係愈嚟愈強大！而習大大最近去到美國出席座談會嘅時候，亦都大讚國家開放就好似芝麻開門一樣，開咗就收唔返呀！

唔好蝦我年少無知，「芝麻開門」隻故仔，我細細個就聽，等我同你哋回吓帶！「芝麻開門」係嚟自《阿里巴巴和四十大盜》呢個故仔，大概係話有個窮L樵夫叫做阿里巴巴，有日佢一支公意外地入咗個窿度，喺個窿度佢又意外地發現咗啲寶藏，係土匪嘅寶藏呀，嘩！咁佢咪即刻一次性致富，由窮L變誠哥囉！好勵志！講返個意外，原來個窿係賊竇嚟，阿里巴巴咁啱偷聽到啲賊仔對住個窿講「芝麻開門」，咁佢有樣學樣，跟住講就成功入到洞喇！

我諗習大大話強國開放就好似芝麻開門咁，應該係想講強國公司「阿里巴巴」嘅?鬥勵志故事啫，冇其他意思嘅（應該係，除非唔係）！

資料來源：RTHK