呢頭港鐵唔畀學生妹帶古箏搭港鐵，搞到全港市民鬧爆，嗰頭又話有個浸大音樂系嘅學生因為帶大提琴搭港鐵，畀港鐵職員趕出閘兼收警告信?！搞到香港管弦樂團首席大提琴手鮑力卓都忍唔住要打電話問港鐵⋯⋯

點知港鐵嘅回覆竟然係話唔歡迎帶住大提琴嘅琴手搭港鐵？嘩，真係好大官威囉！唔怪得鮑力卓話港鐵搞到啲後生仔追夢失敗啦唉。

唉，香港啲樂手都唔知點帶樂器去表演同比賽，電車又話唔知會唔會被廢，的士又唔係成日截得到，過海嘅就仲難......真係陰公豬！睇嚟以後啲演奏會應該淨係得返口琴呀牧童笛呀三角鈴鈴同沙槌呢啲唔超過130cm嘅小樂器～