689就話滬港通對提升香港嘅國際地位嚟講係好重要吖，但其實香港自己都好叻豬，要提升國際地位仲有其他方法～

香港人靠香港獨有嘅法治精神，成功得到好多外國報章嘅關注。之前七囧打人案就得到《The guardian》嘅高度表揚，慈母為香港市民除暴安良，打9啲不法份子，咁英勇喎，梗係要推上外國報章啦！

另外，有邊個國家啲民眾咁暴戾，諗到用胸襲警先得㗎？外國梗係唔會有呢條法例啦，美國嘅Talk Show《Conan》見到咁特別，咪攞嚟做題材講囉，個主持七情上面、做晒動作咁，驚觀眾睇唔明嘛～

仲有一個方法就係靠本土文化音樂藝術活動嘞，最犀利嘅地方係都未開始演奏，就咁孭住個大提琴同古箏上地鐵咋，就已經引嚟各方嘅高度關注，仲揚威埋海外嘅英國音樂雜誌《The Strad》喇。佢哋用咗「Hong Kong student threatened with fine for carrying cello on train」嚟做標題報道。不過，佢哋好似有少少嘢搞錯咗，地鐵邊有恐嚇學生喎，啲職員不過係盡忠職守、按章執法之嘛（好似係）。

咦，如果毛毛有幸畀港鐵職員捉到，咪有機會揚威海外囉？可惜吖，毛毛身上得幾箱奶粉同益力多呀咁，所以呢啲機會應該都唔屬於我㗎喇......

來源：The guardian、CONAN on TBS Youtube、The Strad

延伸閱讀：【7出國際】美國人都笑9香港以胸襲警