有高登巴打「Cria_Cuervos」個FD子辭職，咁問腦細拎返封推薦信都好正常吖，咁腦細畀返個大信封（裝住推薦信）佢都好正常吖，不過呢封推薦信就好似有啲唔正常⋯⋯

咩啫！邊個話推薦信一定要推薦人㗎啫？Post呢封信出嚟個巴打話，佢FD子做嘢間餐廳有幾個同事都同一時間辭職，咁咪一嘢撻著咗腦細囉。唉，方丈份人真係呢……下次辭職，唔好同一時間喇，唔隔幾日都隔幾個鐘吖嘛。

不過，如果你哋寫劈炮信嗰陣，寫得有技巧啲，應該冇咁易撻著腦細嘅。咁啱，真係咁啱，我頭先喺地下執到張紙，又寫得幾好喎，又文有路，講清楚劈炮原因得嚟又不失霸氣，放上嚟畀你哋參考吓。

資料來源：高登討論區