啪啪啪，恭喜腥港進一步與祖國接軌呀！祖國話晒係「鄰近的經濟強國」嘛，你唔為人民服務，都要為人民幣服務啦？

美心喺屯門呢個攤位，就抓緊商機，棄用洋腸「Maxims」，改用文明一千倍嘅強國拼音「Mei-Xin」，即刻順眼好多，一睇就明！其實美心嘅分店不嬲都分開兩個名用嘅，香港分店用「Maxims」，強國分店先用「Mei-Xin」，今次咁用法，見證咗兩地破天荒嘅膠流！

唔止譯名要改，用字都要唔再用咁多筆畫咁多嚿魚嘅煩體字，改用方便又快捷嘅殘體字！好似海水公園幫世界動物園暨水族館協會翻譯嘅呢個app咁，中文版得殘體字揀（得一個叫唔叫有得揀？）㗎咋，煩體版都廢事出。殘體字絕對係我國五千年文化精華，值得重視！以後香港都係唔好叫香港喇，叫「腥港Xiāng gǎng」啦！

BTW，有一點我諗極都諗唔明，點解係用「煩體字」畀人揀「殘體字」嘅呢？其實會唔會揀完「English」之後係會見到「煩體字」？