雖然毛毛就不嬲都冇女一身輕，但都知道，愛情，實在太沉重。

幾個月前，巴黎條藝術橋因為太多愛情鎖，重得滯，所以要拆鎖減輕負擔，幾唔老黎呀。不過其實唔係好關我事，就算我有囡，都冇錢同佢去法蘭西啦，而香港都有個圍欄畀人掛情人鎖sweet下嘅。

可能唔係好多人知，喺長洲都有得掛情人鎖，睇到呢啲靚到九彩咁嘅鎖s，是咪即刻覺得世界好美好，直頭要唱返句「What a wonderful world～」呢？

個個都喺個細細嘅鎖上面寫「I 心心 U」呀、「Forever love」呀呢啲老套到個鎖自己都覺得唔好意思嘅字，好傻好天真囉，不過冇傻過，又點叫愛L過呢？好可惜成堆情人鎖都肉麻當有趣，完全察覺唔到危機已經潛伏身邊！嗱嗱嗱，中間粉紅色嗰個，鎖寫住「天滅情侶」呀！！！隔住個mon都feel到嗰股怨念！好邪惡呀！

延伸閱讀：愛情太沉重了 巴黎藝術橋要拆鎖