成日都聽到強國有好多土豪婚禮，啲新娘子戴住幾廿隻金鐲呀、金戒指呀、金頸鏈呀咁，要掛到成身都係金先安樂，唔講毛毛仲以為家吓啲金唔使錢?～不過冇計啦，唔係咁樣邊夠體面、邊夠派場啫！

不過結婚一生人先得嗰一次，淨係做一日黃金新娘係唔夠嘅，要平時都著住啲金喺身，咁先有飛屎㗎嘛～所以喺廣西就出咗一款價值30幾萬、有1200g嘅黃金內衣！

其實model行緊嗰條天橋都唔小嘢㗎！條天橋入面用咗240嚿金磚砌成，每嚿重1000g，加埋值成千萬?㗎，唔怪得啲JingCha要拎晒槍啦......不過根據國情，唔排除天橋入面啲金都係假嘅！梗係啦，唔小心整唔見咗嚿典算呀～真嘢唔使成日拎出嚟擺嘅（好似係）。

Btw，件黃金內衣著咗喺入面，啲衫遮住晒邊有人睇到呀？咁點得㗎，著住成30幾萬喺身都冇人知？睇嚟遲啲強國又會興起一股將胸圍底褲外著嘅新潮流喇～但唔好話毛毛唔提醒你哋，小心啲搶金黨呀！

來源：Gamersky、中新網