鉛水風波到今時今日呢一分鐘呢一秒......都係未解決嘅，不過起碼你唔驗都唔知自己飲緊鉛水吖......嗯，唔驗咪唔知囉，好似係。之前山東先話有村民開水喉嗰陣，發現啲水變咗做深藍色，呢頭惠州又話有條「紅色多瑙河」喎......

睇過～又真係成條河都變晒紅色喎！以毛毛9估，應該都係畀啲天然礦物搞到咁啫，肯肯定唔係污染！你哋有冇去過日本別府個血池地獄㗎，日本仔啲水咪又係紅色，有幾出奇啫？

另外、聽講呢條「紅色多瑙河」唔係第一次出現，上年五月嘅時候已經出過一次㗎喇～如果要毛毛幫呢隻紅改個浪漫啲嘅名，我會叫呢隻做「愛國紅」！ 

Btw，幾時儲晒紅橙黃綠青藍紫一套呀？

來源：香港經濟日報、新浪廣東

回帶：【藍過藍絲】山東驚現藍色自來水？