腥港人成日影強國同胞嘅行為上網大肆讚揚，其實毛毛都唔明有咩好影，日日都見到有人屙sss屙尿同走水貨㗎啦～身為人大常委，見慣世面嘅范徐麗泰就叫我哋要多啲包容同胞們喇。

范太話雖然係有個別強國旅客嚟香港玩嘅時候有不文明舉動，但腥港人應該多多包容，仲話「30年前日本人都係咁」?！同一道理，當腦細話你做得唔夠好嘅時候，只要你話「隔籬部門阿May都係咁啦」，就可以將自己嘅缺點令人易啲接受㗎喇！

不過范太唔係拎而家嘅日本嚟比呀，而係30年前，毛毛仲係一條小蝌蚪時嘅日本！有人話范太曲線話強國人落後日本人30年，毛毛就唔係咁諗喇，30年，拉勻一生計，好快啫！今日強國人似80年代嘅日本人咁唔文明，即係過多30年強國都會有2015年嘅日本咁先進喇！

2045年毛毛未死都仲可以見證到強國人追上小日本呀！好期待呀！

資料來源：明報