呢期最紅都可以話係港鐵喇，廣大市民搭車嘅時候都會特別留意港鐵職員盡忠職守嘅工作態度，影底放上網作為榜樣，細心研究港鐵放行嘅準則。

港鐵見大家咁關心佢，並冇自滿，仲整咗個Email收集大家對物件尺寸規定嘅意見?！相信港鐵肯肯定會意見接受，態度照舊咁誠懇咁殷勤（對水貨客）。

重視港鐵發展嘅網民梗係唔會放過呢個同港鐵互動嘅大好機會，紛紛留言表達意見啦，啲留言都好一致，100%都係大力激讚港鐵對香港人同水貨客一視同仁、又冇就加價呢啲雞毛鴨蒜嘅小事咨詢乘客，冇浪費大家時間咁。

仲有人特登幫港鐵設計咗新logo，等港鐵可以與時並進！如果港鐵真係換咗呢個新logo，大家一定會更加愛戴佢啫！

資料來源：MTR