好多家長同幼稚園校長因為想小朋友可以入到名校，好多時候都會畀小朋友留班，等佢讀多年K3，咁下年入到名校嘅機會就大啲啦～其實又難怪香港啲家長同學校咁緊張嘅，因為香港嘅教育制度根本就追唔上強國！

你哋睇吓強國嘅小學生教緊啲咩，係金融理財呀！想當年，毛毛仲讀緊小學嗰陣，學食物金字塔咋，金融？真係識條鐵咩......所以咪搞到毛毛而家變咗條窮L囉...... 不過唔緊要，而家再由頭學過，應該仲有出路嘅～

喺呢張相入面見到，強國嘅小學雞學緊人民幣呀～可能你哋會話，呢啲嘢係人都知啦，有咩好學啫......嗱，你哋咁諗就錯，因為好戲在後頭！

人仔不過係基本功，正如香港個個細路都要識彈琴一樣。之後呢版就已經教緊「作为一个公民，能为国家政财收入作哪些贡献」～嘩，又房產稅又車輛購置稅咁，原來可以為國家作出咁Q多貢獻㗎！毛毛最多都係交嗰5毛膠袋稅咋......唉，毛毛真係枉為毛喇，仲喺做緊對國家零貢獻嘅廢青，希望黨可以畀次機會我貢獻吓佢哋啦！

強國嘅教育咁全面、咁優質，咁遲啲咪唔會有強國人嚟香港讀書囉？咁啲學校咪會收唔夠人，會被殺校囉？嗚嗚⋯⋯

封面圖片：中視新聞微博

來源：親子王國、中視新聞微博