唔好睇毛毛麻麻甩甩，其實都有得閒睇下膠流煮嘢食心得嘅page嘅，第日叫豬妹（如有）整好西過我食嘛～毛毛喺個叫「添加固體食物分享及交流區」嘅谷就見到有網民話急求救喎！

呢位網民應該唔止係第一次買牛油果畀BB食，連佢自己都第一次買牛油果！不過毛毛非常欣賞佢不恥下問虛心好學嘅態度，佢問大家是咪食中間粒嘢，仲話粒嘢好硬，唔知是咪未熟。呢條難度分值100分嘅世紀大難題，有冇讀者可以解答到佢呢？

唔好笑佢啦，而家都有小學生唔知原來橙有橙皮啦，咁唔知牛油果係食肉定食核又有咩出奇喎～

毛毛懷疑呢位網民背後有一個可憐嘅經歷，就係曾經買過呢個傻西瓜返屋企，令佢從此以後，以為所有生果都係淨係可以食中間嗰少少部份……

封面圖片來源：pxktmy.com

資料來源：添加固體食物分享及交流區、90後教師決戰怪獸家長