最近美國時裝界達人Rick Owens嘅一個2016春季Fashion show：Cyclops，令毛毛大開眼界，原來Fashion可以是咁的。

睇完我先發現原來慈母一直企喺潮流嘅尖端，手臂延伸不是夢呀！鍾意嘅仲可以有膊頭延伸！

另外，做model除咗要樣靚身材正、高高瘦瘦之外，瘦得嚟仲要好大力先得㗎！呢個model青筋都現晒咁，要再努力練習多啲喇！btw，以後仍然用緊孭帶嘅媽媽要孭BB出街，一樣可以好潮啦，倒掛個B就OK（好似係）。

仲有呢個終極一抱，咁熟口面嘅？哦，一定係抄我哋強國跳水隊嘅高難度動作啦！

嗯，如果你哋喺條街度或者地鐵度見到有兩個人連體嬰咁黐埋一齊，唔使O咀，fashion嚟嘅啫～

封面及圖片來源：Hint Fashion Magazine

延伸閱讀：值69分嘅高難度跳水動作！