2015年10月02日 星期五
【數學題】陳凱琳一晚要尖叫幾多次？
聽講大台台慶劇《張保仔》用咗超過3000萬嚟整3D電腦特技，嘩......整到凱琳BB好似就嚟跌入毛毛嘅懷抱咁，為觀眾帶嚟唔少震撼性視覺享受呀！
不過就有網民表示睇《張保仔》睇到要mute咗把聲喎，佢話陳凱琳嘅演技「完全冇層次冇深度」同「下下都用同一個音調嘅超高音去尖叫」，仲話真係耳膜都比佢震穿?！毛毛頭先諗住睇吓凱琳BB點嗌啦，點知睇咗兩分鐘就已經尖叫咗20次喇，真係辛苦晒......不過香港小姐美貌與智慧並重，做戲又點會難到佢喎！
好啦，大家唔使再嘈，其實係劇本要求啫（好似係），而毛記大大台咁啱就收到份疑似係《張保仔》嘅劇本......
嗱......睇到啦，劇本話要尖叫㗎咋，點會關我個凱琳BB事喎，哼！
