每份工都有每份工嘅基本要求，如果裝修師傅要識度尺寸、波士要識度數、港鐵職員應該就要識度高嘞。

眾所周知，為咗乘客嘅安全著想，港鐵一向對大型／太高太長嘅物品都有嚴格嘅限制，理得你係音樂家定運動員，總之你嘅搵食工具長過130cm就通通都唔准入閘。

噚日又有個童軍拎住支竹竿住入閘啦，結果一樣都係冇情講，你唔係以為日行多幾善就有善報呀？港鐵一視同仁，好公平㗎。

學生嘅紙卷待遇一樣，入到閘都被斷正。咁點解仲有咁多行李筴同水貨客？哎呀，香港咁多音樂家，淨係度完你哋嘅樂器都夠鐘收工啦，唔夠人手度呀，一係你哋去幫下手啦，毛毛見到個疑似請人嘅廣告呀：

來源：Joanna Chau、sammi chan​

延伸閱讀：【盡忠職守】港鐵職員度過先放行、【唔好得罪高達迷】港鐵拎高達都畀職員攔？！