一向盡心為（強國）市民服務嘅港鐵噚日百年難得一遇地發生故障，東鐵線要成兩三個字先有一班車。

港鐵驚唔係黃皮膚嘅外國遊客唔識睇中文，所以好貼心咁出咗張英文告示畀佢哋睇。

不過營養師Gloria喺灣仔站見到呢張告示之後，竟然話「願意充當港鐵英文顧問…」。唔係啩，一張告示搞到營養師要轉行？等我都睇過先～

毛毛雖然鬼仔性格，不過英文麻麻地，所以特登問咗隔籬位同事堆雞腸講乜，佢話如果直譯，應該係咁囉！嗯，隻隻字毛毛都識，不過擺埋一齊就唔多明喇，是咪即係話「火車電力有問題，紅磡去到羅湖只需10分鐘」呀？如果係嘅話，咁可唔可以日日啲電力都有問題呀？快好多喎！

封面圖片來源：曾欣欣 Gloria

資料來源：Yau Hing Yu /‎Tai Po 大埔、曾欣欣 Gloria