眾所9知，港鐵指示一向好清晰，一睇就知應該向左走向右走。而為咗教育一班港豬可以好似好有秩序咁上落車，就喺地下度加上箭咀，等大家知道上車係要打斜行，唔係打直行。

最近讀者Mani Wong喺第一城站嘅月台尾近牆邊位置，發現咗一堆箭咀。如果，你真係咁乖跟住呢啲箭咀嘅指示去行嘅話，應該⋯⋯就會跌入呢個輪迴陣，永遠都走唔返出嚟⋯⋯

不過其實平時跟住啲箭咀，成功入到車廂咁又點吖，車廂裡面都冇箭咀教人點企同點行，結果大家就好乖豬跟足指示，一上到車就企定定喺門口度唔敢周圍郁，而畀人夾硬迫咗入車廂中間嗰啲人，落車嗰陣就向左走向右走咁難出返嚟。所以毛毛建議，呢啲指示，應該連車廂裡面都要有囉：

好多箭咀咩？係咁㗎喇，唔多啲，啲廢青又會企定晒喺度㗎喇。