哇唔聲唔聲原來偉大嘅科學家已經發明出一對可以自動對焦嘅老花眼鏡喇！真係人類醫學科技嘅突破呀！
到底呢幅眼鏡係點嚟㗎呢，發現呢件咁偉大嘅產品真係應該要提名諾貝爾獎呀！

冇錯，你估中咗喇！呢個30秒自動對焦老花鏡嘅發源地又係強國呀！批發價仲要七幾人仔有交易。

強國廣告仲不忘將呢個偉大發明歸功於香港乜乜乜公司?！

不過毛毛搵嚟搵去都唔見呢間公司，唔知點解全部都係簡體字同埋講同一樣嘢，想表揚下佢都唔得。

呢間公司真係好勁，留名等睇佢地發明30秒傷口自動還原膠布呀，三天腳骨增新增高鞋呀，全方位牙位重整牙膏呀咁，人類嘅未來就靠晒你哋喇！

來源：Nick Lee‎/Fanling 粉嶺、1688.com