毒L最怕收紅色炸彈！自己一條友睇住人哋一雙一對開花結果已經夠晒慘，仲要無啦啦冇咗幾嚿水人情（尤其喺糧尾嘅時候），嗰吓先慘吖嘛，真係仲慘過黃慘盈！最近又有一隻慘慘豬喺網上話收到hihi同事派帖喇～

本身事主同個hihi同事無論喺公事上定私底下都唔係好熟，但佢都照樣派帖，仲叫事主「嗰晚記住早啲到，人情你識做啦～」......嗱，咁結婚係喜事，開心吖嘛，梗係叫多啲人，熱鬧啲㗎啦！

嗚呀！毛毛都明白有時畀咗幾嚿水人情，糧尾真係冇錢開飯，不過唔緊要，咪換咗張餅卡，食住西......餅先囉！咩話？個hihi同事連餅卡都冇畀，淨係畀優惠券？

唉，你哋都唔明人哋嘅苦心嘅！人哋都係唔想你哋唔小心食咗啲唔乾淨嘅嘢落肚咋，毛毛相信唔派餅卡係完全為咗你哋嘅健康着想啫，肯肯定唔係想慳皮嘅～

封面圖片及來源：大魔王一號／香港討論區

延伸閱讀：【紅色核彈】港女霸氣派帖事件