對於食，毛毛豬有一份執著，不過比起呢個會為咗一個包而同女朋友分手嘅網民，毛毛豬真係仲差幾皮囉。

呢個網民話自己去歐洲浸完鹹水之後，就完全愛上咗當地嘅Rye bread（即係嗰啲又乾又硬嘅黑麥麵包呀）！當佢返到嚟香港，女朋友帶佢去食西餐嗰陣，佢就睇唔起間餐廳嘅牛油餐包，仲話：「呢啲唔係麵包，係白麵粉溝砂糖溝牛油整出嚟嘅垃圾。」之後仲覺得個女朋友好冇見識，飛埋人添呀！

Come on James，可不可以成熟一點？你咁樣同嗰啲去咗美國exchange一個sem之後返到嚟香港話自己唔識講Chinese嘅偽ABC有咩分別啫？Sorry呀我哋呢啲井底之蛙真係睇唔透囉。

其實如果鬥有品味嘅話，毛毛豬相信我哋班港女唔會輸！

唉，其實如果你真係愛一個人，又點會介意同佢係食硬麵包定係軟麵包吖？

封面圖片來源：eatben_beta/香港討論區

資料來源：香港討論區