毛毛豬啲姊妹見親toystory隻三眼仔都會話：巧打耳呀～巧鍾意呀咁。計我話，呢個叉燒三眼仔蛋飯（$29）正好多囉。

飯如其名，佢真係有三隻太陽蛋做佢隻眼㗎！三隻蛋都煎得啱啱好，充滿光澤，再加埋大量煮過嘅甜豉油，真係不得了。蛋嘅下面仲放滿晒叉燒，不過可惜全部都係全瘦，食落唔夠過癮。吉穿個蛋黃再撈啲蛋汁嚟送飯，成個口都畀啲蛋汁漿住嗰種感覺真係勁滿足！

溫馨提示，想食呢個邪惡嘅叉燒煎蛋飯嘅話盡量上午好去喇，毛毛豬就曾經試過一點鐘去到佢同我講冇晒……同埋，記住同伙記講要太陽蛋呀！唔係佢就會畀普通煎蛋畀你㗎喇～

餐廳資料：

孖沙茶餐廳

地址：上環禧利街23號地下

營業時間：星期一至六: 06:00-18:00　星期日及勞工假期: 休息

電話：2545 9026