呢排興玩直播，日本都有個大叔開咗個直播影佢試玩新買嘅火柴式打火機，阿叔打打下竟然燒咗自己間屋呀！
佢初頭用疑似火酒抺吓個打火機，之後將呢啲有火酒嘅紙放埋一邊。

結果點點下火成個火機燒著咗（上面有火酒呀！），之後又燒著埋側邊有火酒嘅紙，燒下燒下就一發不可收拾喇。

間屋出面睇都燒到咁，入面分分鐘渣都冇喇。

呢位阿叔用成間屋嚟咁高成本咁做直播，都係為咗幫大家做防火教育，大家記得下次玩易燃物品嘅時候小心啲喇！