返工有咩好做？朝早咪諗下lun廚食乜囉，晏晝咪諗下癲拿食乜囉～今日毛毛上網睇有咩好西推介嘅時候，見到呢碟黑椒白汁焗飯，立馬流晒口水呀！

又幾足料咁喎！啲黑椒大大粒，實好香口喇～不過睇真啲，好似有腳仔咁嘅？哎呀，新鮮蟲蟲仔嚟㗎！post呢張相嘅網民仲話，餐廳淨係肯幫佢換過碟飯，唔肯退錢，激到佢要報食環！

呢間餐廳似乎唔多明白做生意嘅技巧，現今香港人搵食都不外乎幾個原則：平靚正，最好有營養，嗱，如果佢重點推介返呢個飯嘅核心營養價值：蛋白質，再搵PS大神執下張相，最後打個折頭做promote咁，分分鐘大把人排隊爭住嚟食呀～

封面圖片來源：Cyrus Yu‎/香港飲食好地方

資料來源：香港飲食好地方