慈母開咗facebook同市民膠流，大家梗係支持到爆啦。只係兩日，許許許Sir條片已經有2千幾個些牙喇！巧威威呀！

黎棟國佢都有睇呢個page呀，仲話「警隊Facebook 讚好數字相當多」?～係呀，個page開咗兩㒲已經有3萬幾個like喇，不過有口多多嘅網民就話，得3萬幾個like，即係有600幾萬香港人唔like啦！嗱，咁諗就唔啱喇，政府新聞網開咗成年都係得萬幾個like，民政事務局仲要得千幾個咋，慈母果然不愧係最佳形象公墓員呀！

雖然許許許Sir條片下面有4萬幾個留言問候慈母，不過樂觀知命嘅黎棟國就向好嗰面諗，完全唔理啲雞毛鴨蒜嘅無謂留言，將著眼點放晒喺啲like度，成件事咪開心晒囉～

香港人咁大壓力，多啲將呢套思維應用喺唔同方面，個人會樂觀積極巧多㗎～聽日一定會更多like啫，係唔係呀，慈母太郎？

封面圖片來源：香港警察 Hong Kong Police、香港電台

資料來源：香港電台、香港警察 Hong Kong Police、政府新聞網、民政事務局