有位男網民瞞住女友車咗個女同事返屋企，之後仲特登check下架車有冇留低啲咩蛛絲馬跡，先敢第二日再車自己女朋友，好謹慎呀下！

不過，呢個世界有種咪咪，叫不用說的咪咪，呢個網民嘅女朋友第二日就問佢是咪載過其他女人喇！即刻嚇到男網民巧京京，仲開post問點解女人會咁勁，是咪真係有第六感喎～

等毛毛豬教精你啦，唔好瞞住自己女朋友是常識吧！你唔係咁傻咁天真，唔知道女人嘅「特異功能」，隨時都會踢爆你講大話呀？

女人對氣味特別敏感，你平時啲臭汗味就唔使講啦，但你個身多咗陣唔屬於你又唔屬於佢嘅味，佢哋一聞就聞得出，係酸味！

女人嘅盤問技巧高深在於你都唔知佢chok緊你嘅同時，你已經自爆咗……
「你知唔知XX出咗個新包呀？」
「我知吖，都幾好食嘅～」
「你又話應承我唔再食XX嘅！咁點解會知道佢好食㗎？！」
「……」
以小見大，小偷食chok到，大偷食一樣chok到！

女人就係復仇者聯盟入面嘅鷹眼，無論你做啲咩佢都睇得一清二楚。
「BB乜你噚晚好夜瞓咩？」
「唔係呀，咪同平時差唔多。」
「咁你做咩whatsapp last seen係半夜3點幾嘅？」
⋯⋯

其實佢咁愛你，你做咩仲要瞞住佢喎？情侶之間要坦白先可以一齊走落去㗎嘛，是咪？

封面圖片來源：Tim_YQlo/香港討論區

資料來源：香港討論區