到底成世人都仲未拍過拖慘啲，定戴綠帽慘啲呢？呢個問題，相信問專家都未必答到你。而最近有網民就分享咗一件慘過黃慘盈嘅帽事...... 

咩話？佢老婆返大陸畀第二個搞大咗個肚，其他人知道仲要好興奮、好開心咁幫個BB改名？咁鬼大方嘅......毛毛建議事主可以：

1.叫佢落咗個BB，大家當粉筆字抹咗佢

2.以牙還牙，出去搵返個二奶當打和，順便等BB多個兄弟姊妹

3.豁，豁出去，一齊幫BB改名，夾手夾腳湊大佢

不過，而家唔使煩嚕，就喺幾個鐘之前，佢老婆突然宣佈個BB冇咗呀！可能佢知道呢個BB始終都唔係佢同老公生啦，所以寧願吸收咗個B都唔生佢出嚟......

聽講佢老婆仲因為自己畀咗綠帽老公戴，所以好唔開心，仲冇晒胃口，由原本每日食10公斤嘢，變到而家每日食1公斤?......

唉，希望佢哋兩公婆之後可以快快樂樂咁生活落去，唔使再為生BB嘅事煩惱啦～

封面圖片：周瑜自宮緊／高登討論區

資料來源：周瑜自宮緊／高登討論區、星島日報