毛毛一睇親啲囡囡post（嗱我係為咗研究兩性關係㗎咋），就會見到有人post呢張相出嚟話啲囡囡咁靚肯肯定係整容喎。

其實呢張相係台灣一間整容醫院嘅廣告嚟，相入面大人同小朋友嘅對比，再加埋句啜核嘅廣告標語，一直都好受網民歡迎！不過以「大話講一百次就會變成真話」嘅理論，大家日見夜見呢張相，咪又覺得個囡囡真係整過容囉唉。不過今日呢個「整容女主角」葉宛承終於出嚟澄清返，話自己其實冇整過容，仲話呢張相令到佢接少咗好多job呀唉，賺9千蝕400萬，呢條數⋯⋯

而我終於知道原來係廣告，佢仲要畀人誤會咗成3年咁耐，堅慘豬，啲細路同個囝囝都一樣咁慘豬呀，嗚呀！

封面圖片來源：likegag

資料來源：周刊王