最近香港郵政話有啲郵筒上面代表住英國皇室嘅皇冠並唔合宜，所以要搵塊鐵板遮住佢哋，而過百年歷史嘅郵筒甚至要成個剷走?呀！

係囉，都放咗喺度成百幾年，而家啲人又唔寄信嘅，留嚟做乜？仲嫌土地問題唔夠嚴重咩？之不過今日就有人搵返香港郵政喺回歸前同大台做嘅一個節目《九七透視》，當時嘅郵政署高級郵務監督講過，唔會拆走啲皇冠郵筒，仲話啲皇冠其實唔代表向邊個效忠㗎！

喂，都未夠50年就已經打倒咗當年嘅自己？！不過國家要開放，思想都要開放，肯肯定係以前嘅郵政署未諗通啫，而家終於通喇，諗返清楚喇，咪行返正軌（同強國接軌嗰條軌呀）囉！

封面圖片來源：昔日香港/TVB

資料來源：昔日香港