最近有篇文畀網民瘋傳，唔係因為內容寫得有幾好，而係因為啲字寫得有幾靚！話說嗰個強國中學老師次次改文都將啲唔靚嘅字用紅筆圈晒出嚟，上面仲寫住「一笔也不要多，一笔也不要少」，連「f」字中間嗰劃都話唔可以寫太低......

正所謂棒下出孝子，嚴師出高徒......睇下～唔講我仲諗住問美術部華哥呢隻係邊款字體㗎喇，靚到一個點！點知原來係經過調校之後嘅「筆劃不多不少不高不低不大不小手寫字體」。

不過寫字寫得整齊只係做強國人嘅第一步咋～偉大祖國嘅兵仔連笑容、軍帽嘅角度同個胸都調校到一樣樣㗎，真係......強國的世界就是不一樣～惟一要挑剔嘅就係冇齊陰囉，仲有個樣囉，呢樣就要向泡菜國多多學習喇。

Btw，呢個老師自己啲字都唔係好靚啫，寫得又潦，又冇用間尺間住嚟寫，寫錯字仲直接刪?，搞到成撻紅色喺張紙度，幾肉酸呀！其實一個靚嘅人，就算啲字寫得有幾樣衰，啲人都會話靚㗎啦，使咩每次都逐粒字執喎，一次性執咗個樣佢咪得囉。

來源：網易河北、中新網

回帶：強國女兵連胸都一樣 傳說中的秘密武器？