聽講而家啲小學雞好鍾意玩跳樓手機遊戲，都係嘅，喺香港讀書咁大壓力，特別係諗到自己畢業之後，就要出嚟呢個做到死都買唔到樓嘅社會嗰陣......嗚呀。

不過呢個game就真係暴力咗少少，有玩家都話呢個game好恐怖，好似自己整親咁，所以咪搞到有小學出通告唔畀啲學生玩，話驚啲學生以為自殺可以解決問題，仲呼籲家長要提高警覺?～

毛毛都好認同呢間學校嘅做法，小學雞真係未必識分遊戲同現實。其實遊戲有好多種，唔一定要玩跳樓嘅，有好多經典game都好好玩！等毛毛同大家回顧一下有啲咩啦～

1. 小朋友落樓梯

雖然玩遊戲都係想贏，但毛毛真係好鍾意佢跌落嚟嗰下叫聲，真係叫得好好聽......

2. 彈珠台

通常啲電腦未有得上網而又想玩電腦嗰陣，就一定開個彈珠台出嚟過下癮～識玩嘅，彈珠台都可以好好玩！

3. 爆爆王（以前叫做彈水阿給）

嗚呀！令人懷念嘅村莊10呀！

4. 韓國男仔化妝遊戲

就咁聽個名可能有少少重口味，不過想當年，呢個肯肯定係妹豬必玩嘅game！如果而家玩，就可能變咗做男仔整容遊戲都未定嚕～

5. 貪食蛇

其實呢個係一個好sad嘅game，因為佢教識咗毛毛：食自己嘅就係輸家......

老老竇竇，要數真係數到出年都未數完，不過毛毛發現，原來自己玩呢啲game嘅時候已經係10年前......嗯，突然有一種說不出的傷感......

來源：Google Play、星島日報、新線上遊戲地帶、痞客邦、七七特產網、極點網、980x.com