之前男神福山雅治突然話要結婚，娶吹石一惠做老婆，令一班妹豬大受打擊，仲嚴重影響經濟，令到日本股市大跌?，就連熊本嘅鋪頭都要整返個傷心大酬賓，安慰一班妹豬，只要同老闆講福山結婚令你好傷心，就會有9折㗎喇！ 

不過班妹豬都未傷心完，而家又到一班毒L傷心喇！女神北川景子都話下年一月要嫁畀DAIGO呀！曾幾何時，毛毛日日都捕住個北川景子貼圖區......唉唔得喇，毛毛實在太傷心，連嘢都做唔到，最後毛毛以重溫女神嘅丁圖嚟表達對佢嘅祝福。

登登登櫈！斯文眼鏡娘加溫柔和服look，呢啲咪叫做日本女性美囉～

當然唔會少得波衫look同校服look啦，真係咩中學嘅回憶都返晒嚟！Er......毛毛係講望讀書望囡囡嘅回憶啫......

呀，呢張真係不得了......畀毛毛做張床單得唔得呀？

Btw，如果連新垣結衣、小嶋陽菜同佐佐木希呢啲咁pure咁true嘅女神都宣佈要結婚嘅話，毛毛真係唔想做人喇，嗚嗚......

封面圖片：Yahoo! JAPAN
來源：蘋果日報、Yahoo! JAPAN、北川景子 Keiko Kitagawa official、tumblr