蘋果上個月有得update iOS 9，喺一大堆Emoji旗仔入面多咗青天白日滿地紅旗呀！

正常係應該show到咁樣嘅，不過偉大嘅黨，又點會容許呢枝篤眼篤鼻嘅旗仔污染同胞們嘅眼睛同心智呢？

所以偉大嘅黨已經利用超高智能科技將呢枝旗仔成功河蟹！強國嘅同胞，你哋部機唔係較低級，而係太高級呀！你哋擁有令人自豪嘅全球獨家分唇，就係將中華民國國旗變做交叉仔呀！

恭喜祖國嘅河蟹技術已經到達登峰造極嘅境界！如果下次習大大要同馬英九見面，唔知新聞是咪要寫「其他國家領導人會見交叉國總統」呢？

封面圖片來源：新浪香港

資料來源：新浪香港