毛毛幾時都話高手在民間！今日就有個淡定姐，氣定神閒咁企正喺馬路中間玩電話呀！

大驚小怪，未見過大蛇屙尿呀？而家啲人去到邊都要玩電話㗎啦，好出奇咩！只不過呢個女人……為咗玩電話已經無視生死，同埋交通規則。有喺現場嘅朋友話，原來呢個女人唔滿意個小巴司機唔畀佢上車，於是就「你做初一、我做十五」，擋住架小巴唔畀佢駛走囉。不過嗰個位原來唔係上客位嚟㗎！

後來慈母嚟到，佢先肯離開條馬路咋！其實毛毛都好欣賞佢嗰份死都要上到架小巴嘅堅持，不過你咁樣擋住條路，唔畀後面啲車行，有冇諗過自己伯母嘅感受㗎？

封面圖片來源：Tin Tam/盡在元朗

資料來源：盡在元朗