呢個年頭上facebook呃like先係正經事，去名店呀食好西呀打下咭咁就在所難免，同名人影相就直情係殺手鐧啦！不過呢位哥仔你吹到咁大又重手咗啲喎。

呢位先生post咗一張自己笑到四萬咁口同森美大大影嘅相，重點係話唔係自己捕獲森美，而係森美捕獲佢呀！哇咁威，上晒位啦今次，仲成功呃到......164個likes呀！啪啪啪啪啪啪～


點知森美仲cap咗佢圖，放返去自己個wall度話識你老鼠，希望你嗰164個friends睇唔到啦。

位真係唔係咁上的。唉7就係7咗啲嘅，最多你下次同毛毛影相，我唔咁大聲踢爆你喇，細聲啲啲咁踢囉。

來源：Sammy Leung facebook