有位叫「唔係唔得呀」嘅網民最近去見工嚟，然後，為著全港所有廢青著想，佢就將佢見工時遇到嘅一個廢青嘅經歷po咗上討論區，同大家分享。

呢個廢青其實好有家教（我估），同時亦都好有熱誠（都係我估），所以先會一有機會發言就滔滔不絕咁同人分享佢老竇老母對佢嘅教誨，不過可能教咗太多嘢，教漏咗佢要剪鼻毛同埋唔好隨便放屁畀人聞/聽啦，搞到呢個廢青唔小心就畀人發現到佢嘅失儀。

唉，等毛毛教返啦。剪鼻毛呢，就簡單啲，拎把較剪，見到長毛毛就一嘢轟落去，搞掂。至於放屁呢個問題呢，就複雜少少。首先，你要學識忍屁，嗱，夾實你個屁股，夾實咗咯，啲屁咪出唔到嚟囉！如果夾住咗都仲係放嘅話，即係你夾得未夠實囉（一定係，除非唔係）！

如果真係忍唔住，要放出嚟喇，都仲有啲解救方法嘅，先講啲唔響嘅屁：

如果咁不幸，你好似嗰個廢青咁，忍唔住都係要放個有聲屁，咁你只係得返最後一招：

就係配合時間，喺放響屁嘅同時發出一啲震撼性聲音，我指加強你當時發言嘅語氣，既可以畀人一種充滿自信嘅感覺，亦可成功蓋過啲砵砵聲嘛！

來源：唔係唔得呀/香港討論區