犯咗法，又點喎？犯咗法，咪會畀慈母問候囉。不過都唔一定嘅，最近網上流傳咗兩個親身示範令慈母睇你唔到嘅教學方法！

除衫？嗱，咪諗埋一邊呀！呢個浙江大媽係就係除衫，但唔係你哋諗嗰啲咩色誘嘅方法囉，佢純粹諗住幫佢唔小心入錯線嘅仔仔用外套遮住兩部閉路電視咋。遮住咗，慈母咪見唔到囉，咪冇事囉！啲外套都係身外物，仔仔嘅清白先至係最重要嘛！可惜佢哋遮得兩部，遮漏咗第三部呀哎呀！結果都係畀慈母發現到！

講到高招，都係呢個大媽犀利，大家都係用外套遮，不過佢就遮住自己個樣，咁就唔怕遮漏咗啲鏡頭畀慈母點到相抄到牌啦！掂呀喂！

來源：有線新聞、邱于芳‎ / 爆料公社