是咁的，話說馮煒光專員今日喺《明報》撰文話香港喺97前從來都冇自治，港督係由英國委任嘅。

跟住作者方志恒又喺facebook回應馮煒光嘅撰文啦，話香港喺殖民地時代嘅自治傳統並唔係由佢首創，仲話馮專員雖然冇博士學位，但就係「鄰近經濟強國」歷史系博士研究生，一定好好學啦，所以就list咗一堆書出嚟叫馮專員得閒學下嘢。

畀人咁抽水法，馮專員梗係嬲豬啦，即刻留comment話返方志恒用「鄰近經濟強國」嚟形容親愛嘅祖國，是咪想疏離内地、數典忘祖、甚至曲線提倡港獨呀！係囉，明明係祖國又話咩鄰近經濟強國，真係大不敬，此風不可長！

不過咁喎，「鄰近經濟強國」係海關之前檢獲到侵權燈籠嘅時候講㗎啵！馮專員身為突手辦新聞統籌專員，做咩咁唔小心偏偏睇漏咗呢單新聞呀？

原來最不該嘅係海關人員呀！不如馮專員唔好掛住幫689拍片同去淺水灣打卡，抽少少時間幫海關手足搞下愛國思想班啦？

封面圖片來源：蘋果日報、Fung Wai Kwong

資料來源：方志恒 Brian、Fung Wai Kwong

延伸閱讀：【難估過蒙面歌王】來自鄰近的經濟強國？