聽講除咗亞視係永恆之外，呢個世界上就再冇嘢係永恆㗎喇，好多嘢都會喺不知不覺間會消失，真係好靈異呀......等毛毛同大家睇下有啲咩啦～

1.擦膠

呢個世界上唔會有一嚿用得完嘅擦膠，而且多數喺用完之前，嚿擦膠就已經消失咗！

2.筆

每個人身邊總係有啲借咗人枝筆又永遠唔都會還嘅hihi......嗱，唔好同毛毛講，以為毛毛想送禮物畀你哋呀，毛毛淨係送畀娘娘㗎咋，哼！

3.橡筋、髮夾

聽毛毛豬講，呢兩樣嘢永遠都會唔見，唔知你哋班妹豬有冇同感呢？

4.零食

次次買咗一大袋零食之後都話：「買嚟看門口啫，通頂唔會冇嘢食呀嘛～」，點知第二日啲零食又係唔見晒......

5.時間

sad but true。當毛毛發現大台重播緊嘅《男親女愛》原來已經係15年前嘅劇嗰陣，毛毛就覺得時間真係過得好快，不知不覺間就消失咗！

唔信？你哋可以試下合埋眼1分鐘，然後再望下個鐘，你哋會發現......你哋又嘥咗60秒喇唉......