喺街邊放飛劍（即係吐痰同吐口水呀），毛毛都見得多；但係喺港鐵入面放呢，毛毛就真係第一次見囉！噚晚就有個香港正義姐挺身而出，鬧爆呢個喺港鐵入面放飛劍嘅大叔呀！

Post呢段片嘅網民話，個大叔企喺條柱隔籬係咁吐痰，吐到隔離位女士隻腳都feel到（諗起都打冷震呀嗚哇）。當時成車人都叫佢走，但呢個阿叔不單止冇走，仲要鬧返人轉頭?！結果咪畀正義姐鬧爆囉！

算啦，都係隨地吐痰啫，我哋香港人連隨地屙sss都見過啦！學正苦話齋，大家咪包容下囉，最緊要和諧和諧！btw，毛毛都好欣賞呢位姐姐咁有正義感！不過，如果後面啲乘客唔好掛住食花生，可以幫句口，就好嚕！

封面圖片來源：林健童

資料來源：林健童