2015年10月13日 星期二
【人間有情】香港暖男幫行乞婆婆買波鞋
認真問，如果收到兩張500蚊嘅波鞋禮券，你哋會點做？睇死你哋梗係即刻狗衝去波鞋街，再補錢買對千9幾蚊嘅波鞋啦（雖然毛毛都可能會咁做......）！但竟然有人收到波鞋禮券之後，唔買鞋畀自己，而係將啲禮券換咗對波鞋同一件t-shirt畀一個行乞老婆婆？
嗚呀，咁婆婆以後行路就可以行得斯服啲啦～真係人間有情，毛毛都要封佢做「香港暖男」！
有網民話：「波鞋很美，婆婆很美，這件事很美！」，亦都有大量網民留言大讚佢好人、話欣賞佢～不過呢位香港暖男就話其實自己係做緊應該做嘅事，唔係做緊啲咩善事......呢句真心好型呀！
睇嚟毛毛都要向佢學下嘢，做多啲「該做嘅事」先得～老套啲講句，做到幾多咪做幾多囉！
封面圖片及資料來源：Benson Tsang
