冬天，可能係女人最鍾意嘅季節。

大褸、外套......其實除咗好睇之外，最重要係遮到啲肥膏呀！

冬天咁凍梗係要買多啲衫嚟保暖啦！

唔使買脫毛用品，慳返好多錢㗎嘿嘿！慳埋慳埋又可以買多件衫啦！

唔使晚晚等頭乾嘅日子真係好！嗚嗚！

「呢件out咗啦！」「呢件咁少布想凍死人咩！」「我成個衣櫃都係得夏天衫咋！」「冇衫著呀冇陰公呀！」......

各位姊姊唔使咁開心住，事關聽日好似又開始熱返喇！毛毛豬同你哋一樣，心入面都暗_咗聲......冬天你唔好咁任性啦，快啲嚟啦好嘛？